ezgif.com optimize

Woord vaan de veurzitter

Welkom op euze vernuide site.

Geer höb, jaomer genóg, zoewel euze site es eus oetveuringe twie jaor mote misse, meh veer zien nog dao! In 2019 bringe veer eus nui productie “Sjoene Sjien” oonder rezjie vaan Jolanda Jonkers op de plenk. Dit belaof weer e stök te weure mèt väöl humor en hilariteit in eus ‘Toneelgroep Lummel’ Theater.

’t Doort us te lang um uuch weer te mage oontvaange, ‘Toneelgroep Lummel’ bint en verbint jummers de lui. ’t Bringk lui bijein die dezelfde passie höbbe veur toneel, ’t verbint Mestreechtenere en lui daoboete mèt ein door de oetveuringe. Gezeen ‘t stijgend aontal bezeukers veurzuut kemedie tot op d’n daag vaan vendaog nog ummer in die behoofte vaan lui. Toneelbezeuk is ‘n combinatie vaan cultuur, drama, humor en kemedie, genete en d’ ch tegekoume. En tegekoume beteikent zien en gezeen weure, d ‘ch oonderein treffe en spreke. Kort gezag: oonderdeil zien vaan ‘n sameleving.

Aofgeloupe jaor bestoont ‘Toneelgroep Lummel’ 40 jaor, vaandao tot “Sjoene Sjien” es zjubilei productie weurt opgeveurd.

 

Veur de lede is de toneelgróp e werm nès: same ’n veurstèlling make. Lui veur- en achter de buun zien es ein kompenei mèt ei dingk bezeg: de bezeuker astrein weer verrasse.

Es woernummend veurzitter bin iech erg blij mèt zoeväöl lui die ziech inzètte veur de vereineging.

Euze website, dee veer gruuts aon uuch prizzentere, gief uuch e kiekske binne ‘Toneelgroep Lummel’.

Is kemedie get veur uuch, veur diech? Liekent ‘t diech ouch leuk um te speule of zeukste ‘n vereineging boeste d’n han oet de mouwe kins steke es decorbouwer, es technicus, es leech- of geluidsmaan/vrouw, num daan gerös ins kontak mèt us op.

Veer zien us bij ‘Toneelgroep Lummel’, mèt de compleminte,

Woernummend veurzitter/secretaris

Harry van den Blink

 

 

 

Sponsors

 ​​​

rabo

Fidus logo Lei AdvocatenVB

Haddocks

SourenSour Mise en Place Koekelkoren
UitvaartStudio2 multicopy Adventure Cook Garage Terry Beckers
Snackplek St Jan Lochtmanhuis Blanche Dael Egbert
Intergarde Jo Heuts Leliveld Sauter
Servatius      

Login

Privacy Policy

Lees hier onze: Privacy Policy

Ga naar boven