Lèste veurstèlling Sjoene Sjien veur 't vootleech gebrach.

Aofgeloupe zaoterdag 23 november 2019 höbbe veer de lèste veurstèlling gespäöld vaan eus zjubilei produktie "Sjoene" Sjien".

Op 4 oktober zien veer begós mèt eus Generaol Repetitie en dao nao nog ins 12 veurstèllinge. Op 23 november höbbe veer daan ouch eus 40 jaoreg zjubilei offisjeel tot 'n ind gebrach.

De kaartverkoup waor euverweldegend. Op de ierste twie veurverkoup daog waore al 85% vaan alle kaarte verkoch. Dao nao woorte in rap tempo ouch de aander kaarte aon de maan gebrach en daomèt zien in totaal ruim 3000 lui koume kieke in us theater in Lummel. Wat höbbe veer genote vaan de sjieke ambiance, de hilarische mominte en de euverweldegende reakties vaan uuch allemaol. 't waor 'n ier um dat stök weer veur uuch te mage speule en 't gief us de energie um noe alweer veuroet te loere nao weer 'n nui stök dat veer in oktober/november 2021 weer veur uuch goon bringe. Meh iers goon veer op zeuk nao 'ne nuie regisseur. Nao 10 jaor trouwe deens höbbe veer aofsjeid genome vaan Jolanda Jonkers. Zoe gaw v'r n'ne nuie gevoonde höbbe goon v'r metein weer aon de slaag.

Veer wèlle uuch allemaol bedaanke tot geer weer mèt zoe väöle zeet koume kieke. Dao neve 'ne groete Mercie aon alle sponsore, vrijwillegers, 't Keplaon Lochtmanhoes en eederein dee dees produktie meugelek gemaak heet.

Veer kieke mèt väöl plezeer en sjevraoje d'r op trök.

'Nne groete Merci en veer zien us!!!