ezgif.com optimize

Math 

Veer kraoge ’t tristeg beriech tot op Ierste Keersdaag 2019 eus zier gewaardeerd lid Math Meijers is gestorve. Veer zien dao es toneelfemilie oonderstebove vaan. Math is binne de Toneelgroep Lummel ‘ne zier belangrieke maan gewees. In 1981 woort heer same mèt zien vrouw Nel lid vaan de gróp.
In dat jaor woort heer, neve speuler, metein veurzitter en habsjaar. Door Math zien organisatorische talente greujde ’t bestuur vaan de Toneelgroep Lummel oet tot ’n ge-oliede machien en bleef onder leiing vaan Math tot ind jaore ‘90 vrijwel in dezèlfde samestèlling fungere.
Heer deeg dees belangrieke functies mèt 200% inzat, oug veur detail en perfectionisme. De term ‘Meijeriaans’ is door de bestuurslede toen bedach en daonao hiel dèks gebruuk es ‘r weer ’n nui vizie of idee had, en zoewie altied, dat vaan te veure hiel oetgebreid op pepier had oetgewèrk. In 1999 droog heer zien bestuurleke functies euver, meh bleef wel actief es speuler.


Vaanaof 1981 heet Math es gepassioneerd toneelspeuler in 19 producties gespäöld en prachtege oonvergeteleke rolle op de plenk gebrach; te beginne mèt ‘Spróteleköpke’. Meh veer dinke ouch aon b.v.‘Bombarie um Harie’ . In 2007 späölde Math en Nel hun lèste rol. Heer späölde toen de hoofrol es taxichauffeur in ‘Miene maan diene maan’.
Es groete merci veur zien verdeenste veur de Toneelgroep Lummel woort heer beneump tot iere-lid. Vaanaof 2007 heet heer same mèt Nel gefunctioneerd es zaolmètwèrker.
Heer waor nog present bij ‘Sjoene Sjien’ en heet toen, nao eige zègke, hiel erg genote vaan dees kemedie.
Math zaot nog vol energie en planne. Zien sporte, wandele, reize en nog mie, waore veur häöm en netuurlek veur zien Nel heileg. Fanatiek, wie veer Math kinne, wouw heer neet veur minder goon! Niemes had kinne dinke tot heer zoe gaw aon zien lèste reis zouw goon beginne. ’n Reis gans allein nao….. wee wèt ‘t? Ei dink weite veer zeker. Es op zien bestumming get vèlt te organisere, steit Math veuraon mèt raod en daod.
Math heet in de jaore ’80 es gedreve veurzitter de basis gelag veur ’t groete succes vaan de Toneelgroep Lummel. In de jaore ’90 woort de Toneelgroep Lummel groeter, bekinder en succesvoller. Door zien kinnes vaan zakes heet Math dao ’n zier groete bijdraog aon gelieverd. Veer zien häöm dao zier erkintelek veur.
Veer goon häöm misse en zalle häöm noets vergete. Veer winse zien vrouw Nel, kinder, kleinkinder en femilie hiel väöl sterkde touw met ’t groet verluus vaan Math.

Mèt eus oprech mètleve,
Bestuur en leie Toneelgroep Lummel

 

 

Sponsors

 ​​​Klik op 'n logo voor grote weergave:

LOGO ENVIDA

VA Advert 202402 Lochtmanhuis Jo Heuts
Logo Lejeune pdf Egbert Kiity Logo Sassen Uitvaartverzorging voor Powerpoint LOGO
Koekkelkoren.jpg LogoGulpenerKl multicopyGR SauterWijnen
logo boerderijke      

Privacy Policy

Lees hier onze: Privacy Policy

Ga naar boven