Leef vollegers vaan Toneelgroep Lummel.
Veer zien super gruuts tot veer uuch kinne melle tot veer mèt eus lèste produktie Sjoene Sjien tot 3x genommeneerd zien door Toneelhuis LFA veur 't prestigieuze Muulke.
1. Femke Ramaekers es Rose, in de categorie:
mies opvallende vrouw in 'n groete rol
3. De produktie Sjoene Sjien in de categorie:
mies opvallende veurstèlling
Vaanwege de corona pandemie weure de winnaars pas bekint gemaak in augustus 2021.
Veer mote dus nog effe gedöld höbbe meh 't is in eder geval wel hiel erg sjiek en stiekem ouch wel spannend.
Veer hawwe uuch op de huugde....
Klik op: https://m.youtube.com/watch?feature=youtu.be&v=PYOeUPqmUzg
Leef volgers vaan Toneelgroep Lummel,
Gelökkeg kinne veer uuch melle tot veer aofgeloupe vriedeg 11 september eus jaorvergadering höbbe kinne hawwe.
( Geer kint op edere foto klikke veur 'n vergroeting! )
Eigelek waor die gepland in aprèl meh door de corona elend góng dat neet.
't Waor fijn um ederein weer ins te zien en mèt allerlei veilegheidsmaotregele kóste veer alle formaliteite weer aofhandele en 't jaor aofslete.
Zoe höbbe veer aofsjeit genome vaan de bestuursleije Jan Gilissen (neet op foto) en Jos Kuipers.
Zie blieve gelökkeg wel lid vaan TGL.
Ouch höbbe veer Harry van den Blink bedaank veur 5 jaor veurzittersjap a.i. dee noe weer aon de slaag geit es sekretaris.
Hiere bedaank veur eure inzat. Chappeau!
Ouch is Anita van Ham formeel gekoze es nuie veurzitter vaan TGL en höbbe veer 'n aontal nui leije mage veurstèlle.
Dat zien: Marij van Dongen, Angeline Vriezelaar, Anniek Berghs, Els Ottenheym, Jean Muijtjens, Danny Schrijen, Chris en Jos van den Ende, Rudy van der Woug en Maikel Maes.
Laote v'r hope tot alles weer gaw normaal weurt en alles weer gewoen kint goon zoe wie veer geweent zien.
Veer goon hél wèrke aon eus nui produktie die veer in oktober/november 2021 weer op de plenk hope te kinne bringe.
Haw Pin !!!
Leef volgers vaan Toneelgroep Lummel, veer wèlle uuch gere veurstèlle aon euze nuie veurzitter Anita van Ham.
Anita is 54 jaor en gebore in Lummel, boe häör mam en zuster nog altied woene. Zelf woent Anita same mèt häöre vreund en bonusdochter in Hier.
Ze wèrk es Locatiehoofd bij MIK kinderopvang in Zitterd. Dao neve is Anita al jaore laank aktief es gemeinteraodslid vaan Mestreech, naomes de PVDA.
Zie is bezeg aon häör 3e termijn es raodslid.
Es trouwe fan vaan TGL waor Anita verras en zier gecharmeerd mèt de vraog um euze nuie veurzitter te weure.
Zie is daan ouch zier enthousias um same mèt us te wèrke aon 'n sjoen touwkoms vaan TGL .
Veer spitse us op 'n sjoen samewèrking.
Succes Anita!
Aofgeloupe 24 aprèl 2020 woort bekind, dat Wim Gorren 'n keuninkleke oondersjeijing (lintsje) heet oontvaange. 's Mörriges woort heer door Börgemeister Annemarie Penn-te Strake gebeld mèt 't beriech "dat het Zijne Majesteit de Koning heeft behaagd Wim te benoemen tot Lid in de Orde van Oranje-Nassau".
( Loer ouch op: https://www.limburger.nl/cnt/dmf20200424_00157635/zeven-maastrichtenaren-koninklijk-onderscheiden )
In deze vreme coronatied höbbe veer Wim deen daag alvas e bitteke in 't zönneke gezat mèt , want zie lintsje weurt pas later oetgereik. Klik op: Fillemke
Wim, vaan harte perficia mèt dien keuninkleke oondersjeijing.
Sjiek en dik verdeend. Geneet d'r vaan!!!
Aonvölling vriedig dd 03-07-2020; Noe heet heer t ech gekrege vaan de börgemeister!!
Mage veer uuch veurstèlle aon euze nuie rezjiseur;
Mèt väöl plezeer mage veer uuch aonkondege tot Toneelgroep Lummel ‘ne nuie rezjiseur gevoonde heet in de persoen vaan Yves Vanderbooren.
Yves is ‘n Mestreechs joonk talent vaan 30 jaor mèt al de nudege ervaring es rezjiseur, oondaanks ziene jäögdege leeftied.
Op donderdag 30 jannewarie heet heer same mèt ’t bestuur zien kontrak geteikend veur de produktie 2021.
Op dinsdag 4 fibberwarie heet heer ouch kinnes kinne make mèt alle leie vaan TGL.
Veer hope op ’n langdorege samewèrking, te beginne zoe wie gezag, mèt ’n nui produktie die veer in ’t naojaor vaan 2021 weer op de plenk goon bringe.
Zoe gaw bekint is wat veer goon speule, zalle veer uuch op de huugde bringe.
Vaan Links nao rechs:
Yves Vanderbooren (Rezjiseur) – Harry van den Blink (Sikkertaris en Veurzitter a.i.) –
Sandra Koolen (Habsjaar).
Vaan Links nao rechs:
Harry van den Blink (Sikkertaris en Veurzitter a.i.) – Sandra Koolen (Habsjaar) -
Yves Vanderbooren (Rezjiseur) – Veronique Muijtjens (Bestuurslid) – Marcel Coolen (PR-kemissie)
Op de foto oontbrik Ronald Servais (Bestuurslid).
Veer winse Yves hiel väöl plezeer en succes!
Bestuur en leie vaan Toneelgroep Lummel
Veer kraoge ’t tristeg beriech tot op Ierste Keersdaag 2019 eus zier gewaardeerd lid Math Meijers is gestorve. Veer zien dao es toneelfemilie oonderstebove vaan. Math is binne de Toneelgroep Lummel ‘ne zier belangrieke maan gewees. In 1981 woort heer same mèt zien vrouw Nel lid vaan de gróp.
In dat jaor woort heer, neve speuler, metein veurzitter en habsjaar. Door Math zien organisatorische talente greujde ’t bestuur vaan de Toneelgroep Lummel oet tot ’n ge-oliede machien en bleef onder leiing vaan Math tot ind jaore ‘90 vrijwel in dezèlfde samestèlling fungere.
Heer deeg dees belangrieke functies mèt 200% inzat, oug veur detail en perfectionisme. De term ‘Meijeriaans’ is door de bestuurslede toen bedach en daonao hiel dèks gebruuk es ‘r weer ’n nui vizie of idee had, en zoewie altied, dat vaan te veure hiel oetgebreid op pepier had oetgewèrk. In 1999 droog heer zien bestuurleke functies euver, meh bleef wel actief es speuler.
Lees hier onze: Privacy Policy