Leef TGL vollegers;
Aofgeloupe zaoterdag höbbe veer nao de veurstèlling euze zjubilaris, Marc Hertogen, in 't zönneke mage zètte.
Marc is op dit momint 12,5 jaor lid vaan Toneelgroep Lummel. Marc is ein vaan de drievende krachte binne de ploog vaan 't decor-geluid-leech.
Marc, veer winse diech nog ins vaan harte perficia en winse diech ouch nog hiel väöl jaore debij, bij eus sjoen clubke.
De bis jummers vaan alle merrete toes.
Chappeau en 'nne groete Merci!!!
Leef TGL vollegers;
Aofgeloupe zaoterdag höbbe veer euze speuler Ronald Gossieau in 't zönneke mage zètte.
Eus zjubilei produktie "Sjoene Sjien" waor veur häöm zien 25e produktie en of 't zoe mós zien waor de lèste veurstèlling vaan "Sjoene Sjien" zien 250e veurstèlling die heer veur TGL gespäöld heet.
Ronald, vaan harte perficia mèt dizze geweldege prèstatie, veer zien gruuts op diech, en hope tot d'r nog hiel get produkties same mèt diech mage vollege.
'Nne groete Merci!!!
Leef Kemediegengers,
‘T is bekans weer Toneelgroep Lummeltied! In oktober en november bringe veer veur uuch op de plenk de kemedie “Sjoene Sjien”. Zoe es altied in eus eige Toneelgroep Lummel Tejater. ‘t Keplaon Lochtmanhoes Populierweeg 36 in……. zjustemint Lummel. Aonvaank 20:00 oor en de zaol geit ope um 19:30 oor.
Kaartverkoup is begós!
Op vriedag 6 september en zaoterdag 7 september zien veer begós mèt de veurverkoup vaan de kaarte veur eus zjubileiproduktie “Sjoene Sjien”. Wat waore veer verpópzak door de oontzèttend lange rij vaan lui die allemaol gere ’n keertsje wouwe koupe en daomèt verzekerd zien vaan ‘nne gezèllege aovend. Meh….. d’r zien nog kaarte te kriege, aongezeen veer 12 veurstèllinge veur uuch goon speule.
Extra veurstèllinge!
Door de oontzèttend groete belangstèlling op de ierste twie verkoupdaog höbbe veer beslote um 2 extra veurstèllinge veur uuch te goon speule. Dees extra veurstèllinge zalle gespäöld weure op: Vriedag 15 november en zaoterdag 23 november.
Woord vaan de veurzitter
Welkom op euze vernuide site.
Geer höb, jaomer genóg, zoewel euze site es eus oetveuringe twie jaor mote misse, meh veer zien nog dao! In 2019 bringe veer eus nui productie “Sjoene Sjien” oonder rezjie vaan Jolanda Jonkers op de plenk. Dit belaof weer e stök te weure mèt väöl humor en hilariteit in eus ‘Toneelgroep Lummel’ Theater.
’t Doort us te lang um uuch weer te mage oontvaange, ‘Toneelgroep Lummel’ bint en verbint jummers de lui. ’t Bringk lui bijein die dezelfde passie höbbe veur toneel, ’t verbint Mestreechtenere en lui daoboete mèt ein door de oetveuringe. Gezeen ‘t stijgend aontal bezeukers veurzuut kemedie tot op d’n daag vaan vendaog nog ummer in die behoofte vaan lui. Toneelbezeuk is ‘n combinatie vaan cultuur, drama, humor en kemedie, genete en d’ ch tegekoume. En tegekoume beteikent zien en gezeen weure, d ‘ch oonderein treffe en spreke. Kort gezag: oonderdeil zien vaan ‘n sameleving.
Aofgeloupe jaor bestoont ‘Toneelgroep Lummel’ 40 jaor, vaandao tot “Sjoene Sjien” es zjubilei productie weurt opgeveurd.
Eus aajd lid Ben Husson is veur us toch nog oonverwachs op 6 fibberwarie 2019 gestorve .
Heer waor jaore es hélle werker achter de coulisse trouw aon eus Toneelgroep Lummel.
Vaanoet zien professie had klaank en leech zien speciaol aondach en heet heer hiel get ore achter de knup en sjuifkes gezete um eus veurstèllinge vaan leech en geluid te veurzien.
Veer goon Ben misse es aajd lid mer zeker es vrund vaan TGL.
Veer winse zien vrow Marie-José, keender en femilie hiel väöl sterkte touw.
Compleminte, Toneelgroep Lummel
Lees hier onze: Privacy Policy